నర్సంపేట గ్రామీణం: నర్సంపేట మండలం లక్నేపల్లిలోని బిట్స్ కళాశాలలో పట్టభద్రుల దినోత్సవాన్ని శనివారం నిర్వహించారు. ఈ కార్యక్రమంలో జగిత్యాల ప్రొఫెసర్ డాక్టర్.బి.సతీష్ కుమార్ మాట్లాడుతూ.. విద్యార్థులు ఉద్యోగాలు కల్పించే స్థాయికి ఎదగాలని, నూతన సాంకేతిక పరిజ్ఞానాన్ని అందిపుచ్చుకోవాలన్నారు. అనంతరం ప్రతిభ కనబర్చిన విద్యార్థులకు పతకాలు, డిగ్రీ పట్టాలను ప్రొఫెసర్ చేతులమీదుగా అందచేశారు. ఈ కార్యక్రమంలో బిట్స్ ఛైర్మన్ రాజేంద్రప్రసాద్ రెడ్డి, ప్రిన్సిపల్ హరిహరన్, వనజ, రాజేశ్వర్ రెడ్డి, ఏవో సురేష్, డీన్ నారాయణ, తదితరులు పాల్గొన్నారు.